XA É VENRES!

Bos días a tod@s!!

Recordo as TAREFAS para hoxe, soamente temos tarefas de 2 materias:

• GALEGO: temos que facer 2 actividades na libreta. Recordades o que son os demostrativos? Os DEMOSTRATIVOS son palabras que acompañan ao substantivo (en galego é SUBSTANTIVO e en castelán SUSTANTIVO) e nos indican a distancia (cerca, distancia media ou lonxe). Por exemplo: este lápis, ese caderno, aquela cadeira. Aquí vos deixo un cadro resumo para repasar.

TEDES QUE FACER AS 2 TAREFAS QUE HAI AQUÍ DEBAIXO NO VOSO CADERNO. 

*Recordade escribir o enunciado con boli e a resposta con lápis! 

 Se queredes podedes poñer a data antes de comezar, a data tamén con bolígrafo.

1. Copia o seguinte texto e rodea os determinantes demostrativos que atopes.

Na miña habitación estaba esa mochila que tanto me gustaba. Tiña todo o que eu quería: esa cremalleira con purpurina tan bonita, aquel corazón no extremo da cremalleira e aquelas asas de cor azul. Tamén tiña ese debuxo grande e precioso dunha abella. Dentro, Arancha levaba un montón de cousas: o estoxo, os libros, e aquela flauta para música que lle regalara a súa tía.

2. Debuxa a mochila e as cousas que leva dentro Arancha.

• CIENCIAS SOCIAIS: xa rematamos o tema dos alimentos e fixemos xogos de repaso. Así que imos comezar un tema novo que é moi sinxelo, é o tema 5 que se chama "Vivimos en comunidade". Hoxe imos leras páxinas 68 e 69 do libro e escribir na libreta o título do tema e dúas tarefas. Ollo! Os exercicios non veñen no libro, son dúas preguntas. Eu fixen tamén as tarefas para que vexades un exemplo. 

          *No caso de nen@s con pais separados (é algo normal, que pasa moitas veces) papá e mamá aínda que non vivan xuntos forman parte da vosa familia, tamén a nova parella do voso pai ou da vosa nai pode considerarse parte da familia.  Nese caso na pregunta nº2 podedes poñer: 

Na casa de mamá

Mamá: cociña e lava os pratos.

Pedro (parella de mamá): limpa a casa.

Meu irmán: pon e recolle a mesa.

Eu: tiro o lixo.

Na casa de papá

Papá: cociña e lava os pratos.

María (a parella de papá): limpa a casa.

Eu: poño e recollo a mesa